1Prys die Here! Loof die Here, want Hy is goed, aan sy liefde is daar geen einde nie! 2Wie kan die magtige dade van die Here onder woorde bring? Wie kan sy lof ten volle verkondig? Psalm 106:1,2
Verwelkomingswoorde.
Dit is vir ons `n vreugde om vanoggend in ons erediens hier saam te kan wees. Mag die Here ons lei deur sy Heilige Gees sodat ons elkeen Hom waarlik sal ontmoet en met opregte harte sal dien en eer. Mag ons dit wat ons vanoggend leer saamneem en uitleef in ons lewens elke dag. En kom ons gaan dra die Here se boodskap ook uit na ander wat Hom nie ken nie of van Hom wegbeweeg het. Baie welkom aan almal – lidmate, kinders en besoekers.
Ons vier as gemeente vanoggend saam nagmaal. Wat `n blye voorreg om dit te kan doen en dat ons ook so in ons geloof opgebou en versterk kan word.
Ons erediens vanoggend
Ontmoetingsdeel:
Sang: Ps 33:11 (1936, p 161, tweede melodie)
Votum: Ps 106:1,2 (in Bybel)
Groetseën
Sang: Ps 89: 1,11(1936, p444 )
Apostoliese Geloofsbelydenis
Sang:Lied 334:1,4
Verootmoediging- en versoeningsdeel.
Die Here se opdragte:Rom. 13: 8-14
Versoening:Rom 8:31,32
Sang:Sk 10-2
Woordgedeelte:
Gebed
Sang:Ps 40:4 (1936, p 205, tweede melodie)
Skriflesing:Lukas 23: 44-56
Teksvers:Lukas 23:46
Prediking met tema:
Inspirasie en moed uit Jesus se laaste kruiswoord.
Antwoordgedeelte:
Sang: Lied387: 2,3,4
Nagmaalsviering
Sang met voorberei van tafel: Ps 23: 1,3 (1936, p 107)
Sang tydens nagmaal: Sk 5-3:1,2
Slotsang:Lied449: 1,2,3
Wegstuurseën
Sang(amen): Sk 13-2
Tema van die preek:
Inspirasie en moed uit Jesus se laaste kruiswoord.
Dis die sewende en laaste keer dat Jesus praat aan die kruis. Dis die woorde wanneer Hy sterf. Dis aktiewe woorde. Hy tree selfs op in sy sterwensoomblikke. En nou rig Hy Hom weer tot sy Vader. Soos in die eerste kruiswoord. So inspireer Hy ons om God as Vader te ken en aan te spreek, wat `n voorreg. En nou kan ons met moed ons eie dood tegemoetgaan in die wete dat ons vir nou en ewig in die hande van ons Vader is.
Kollektes: Diakonale Dienswerk en Gemeente Uitgawes
Katkisasie: Geen
Teeskink: Vrywilligers
Lief en leed.
Judie Schoeman is weer tuis na `n operasie die afgelope Maandag in die Urologiese Hospitaal. Ons dank die Here saam met jou dat alles goed afgeloop het en ons bid dat jy spoedig en volledig sal herstel en genees.
Laat ons getuies wees na buite!
Die gesindheid waarmee ons getuies van die Here is, is van die uiterste belang. Soms benader gelowiges ongelowige of kerklose mense met `n verkeerde gesindheid. Dit kan verskeie vorme aanneem. `n Gesindheid van hoogmoed wat dink hy is darem beter of selfs hoër as die ongelowige. `n Gesindheid waarin dit blyk dat die getuie eintlik dit doen net uit plig en om dalk sy eie gewete te stil. Of `n gesindheid waarin die getuie die boodskap bring om vir sy getrouheid geprys te word. Hierdie en ander verkeerde gesindhede word maklik aangevoel deur die ongelowige wat die boodskap hoor. Natuurlik weet die Kenner van harte dit ook.
Dit is van die uiterste belang om as getuie van God se waarheid die regte gesindheid te hê. Benader die ander persoon altyd nederig en vol van liefde vir hom of haar. `n Gesindheid waarin jy waarlik laat blyk dat jy die persoon se voordeel soek en nie daar is vir jouself nie. Dat jy uiteindelik die Here se eer wil uitbou deur jou getuieniswerk en nie jou eie eer nie. Die woorde in 1 Korintiërs 13:2 oor die liefde is verseker ook op elkeen van ons van toepassing wanneer ons getuies van die Here se waarheid is : Al het ek die gawe van profesie en ken ek al die geheimenisse , en besit ek al die kennis, en al het ek al die geloof om berge te versit, maar ek het geen liefde nie, dan is ek niks.
Kleuterbegeleiding.
Weens die nagmaal vanoggend en die komende skoolvakansie sal daar weer op
Sondag 26 Julie kleuterbegeleiding beskikbaar wees. Ouers wat belangstel kan met Elizabeth Versteeg skakel (selno. 072 189 8499)
Gebed.
Vader in die hemel! Moet tog nie ons sonde voor ons staanmaak nie. Hou ons eerder staande teen die sonde. Gee dat ons elke keer wanneer ons aan U dink, nie vrees en skuld sal ervaar oor wat ons alles aangevang het nie, maar eerder vrede en vreugde oor wat U alles vir ons gedoen het. Help oms om te vergeet hoe ver ons afgedwaal het, en eerder te onthou dat U ons daar kom haal het. – Sören Kierkegaard
As die Here by ons is, het ons geen rede om te vrees nie. Sy oë is op ons, sy arms om ons, sy ore gespits vir ons gebede-sy belofes staan vas en sy genade is genoeg. – John Newton.
_________________________________________________________________________
Verlof – ds Wicus
Ds Wicus is vanaf 23 Junie met verlof tot en met 20 Julie.
Verjaarsdae die week:
Hartlik geluk aan die lidmate wat verjaar.
Ons wens jou ‘n geseënde en vreugdevolle nuwe lewensjaar toe
22 Junie, Jayrin Pretorius, Doop, A3
23 Junie, Leendert Theunissen, Belydend, 076-856-9688, A1
24 Junie, Awie van Zyl, Belydend, 082-5221-4655, B3
Vergaderings hierdie week.
Dinsdag 23 Junie: Finansiële Kommissie 19:00
Woensdag 24 Junie: Bybelstudie 10:15
Vrydag 26 Junie: SELA-groep
Kospakkielys:
2.5 kg Mieliemeel
2.5kg Suiker
1kg Verromer of langlewe melk
1kg Bruismeel
500g Makaronie of spaghetti
1kg Rys
100 sakkies tee
250g Kitskoffie
750ml Olie
400g Grondboontjiebotter
900g Konfyt
500g Sout
410g Gemengde groente
300g Cornbeef blik
400g Frikadelle in sous blikkie
400g Pilchards
275g Viennas blikkie
125g Gesnipperde tuna blikkie
500g Soja maalvleis
410g Tamatie en uie blikkie
410g Gebakte bone blikkie
200g Toiletseep
100ml Tandepaste
Toiletrolle
350ml Sjampoo
1kg Wasgoedpoeier (verkieslik 2 in 1)
400ml Skottelgoedseep
Lekkernye soos koekies en koeldrank tydens die kersseisoen.
Ons sendingshart: IRAK
Historiese en evangeliese kerke in Irak staar bedreigings van geweld, onverdraagsaamheid en diskriminasie in die gesig, veral vanaf Islamitiese ekstremiste en nie-Christen leiers. Hulle ervaar ook diskriminasie deur regeringsagentskappe.
Die grootste druk op Irakse Christene kom van Iran-gesteunde Sjiïtiese militêre magte, insluitend ʼn Christelike burgermag, die Babilon-beweging, wat daarop aanspraak maak om hulle te verteenwoordig, maar grootliks beheer word deur Sjia-magte, wat die meeste Christelike burgemeesters verwyder en verkiesingswette uitgebuit het. Boonop het Turkse en Iranse militêre operasies in Irakse Koerdistan, wat die Koerdistan Werkersparty (PKK) teiken, Christelike dorpe ernstig beskadig en baie mense laat vlug.
Christelike burgers in Irak ervaar herhaaldelike onteiening van eiendom deur invloedryke politieke, ekonomiese en sosiale groepe, ʼn probleem wat die regering al meer as twee dekades sukkel om op te los. Historiese sowel as evangeliese kerke staar bedreigings van geweld, onverdraagsaamheid en diskriminasie in die gesig, veral van militante Islamitiese groepe en nie-Christelike leiers. Hulle ervaar ook diskriminasie deur regeringsagentskappe. Christene wat vanuit Islam tot bekering kom, ervaar familie- en sosiale druk, die risiko van geweld en verlies van regte.
_________________________________________________________________________
As God ons geliefde Vader is ,is daar `n betroubare, stewige raam om ons hele bestaan, en ons sal nie daar uitval nie. – Jörg Zink
Nuus van die biblioteek
Die biblioteek het ‘n aantal boeke present gekry. Hulle is ‘n waardevolle toevoeging tot ons voorraad. Baie dankie !
BURGER, Hannes: In eenvoud voor God. Vrede en vreugde op sy beste. Uitg. CUM, datum2000.
Die skrywer gaan van die standpunt uit dat ware vrede en vreugde begin by ‘n opregte éénvoudige verhouding met die Here. Eers daarvandaan kan die verhouding uitkring na ons verhouding met mekaar en ons elkedagse lewe.
Klassifikasienommer: M3 / BUR (Met’n rooi kol gemerk.)
VAN NIEKERK, Rassie: Verlies, pyn en die verwerking daarvan. Vind hoop en vertroosting na die dood van ‘n geliefde.Uitg. CUM. Datum 2de uitg. 2008
Hierdie boek gee praktiese begeleiding aan mense wat geweldige verliese in hulle lewe beleef het. Hy maak dit duidelik dat ons slegs by die Allerbron van krag en genade werklik troos en moed sal vind om die toekoms vol hoop tegemoet te loop.
Klassifikasienommer: C5 / VAN (Met ‘n rooi kol gemerk.)
LOMBAARD, Christo(red.): Skielik is ek alleen; praktiese raad en troos vir hulle wat agterbly. Uitg. Aktua, datum 1998
Hierdie boek handel oor die verlies van ‘n lewensmaat deur die dood, die klem val meer op die vrou wat alleen agter bly. Ses kundiges, elkeen ‘n kenner van hulle vakgebied, gee raad vir die vrae wat gaan opkom. Verder gee hulle ook praktiese raad om te help met finansies, die boedel ens. Hierdie boek is ‘n meer praktiese werk as die vorige boek wat hierbo genoem word. Deurgaans word die leser egter verseker dat daar ‘n Trooster is wat hom/haar sal vertroos en dra.
KLassifikasienommer: M3/ LOM( Met ‘n rooi kol gemerk.)
JOUBERT, Stephan: Ontsluit die Nuwe Testament. Omvattende Bybelreise vir ‘n beter verstaan van die Skrif. Uitg. CUM, datum 2012. (Reeks: Ontdek en beleef By-belstudie.)
Die werk bied die leser 96 omvattende stu-dies wat hom bemagtig om die Nuwe Testament se teologie, opbou, inhoud, doel, verhaalgang enstyl goed onder die knie te kry. Dit is ‘n naslaanwerk.
Klassifikasienommer: Naslaan B / JOU(Met ‘n rooi kol gemerk.)
Margreet van Lochem
Vir ons jeug.
31Wat God doen, is volmaak; wat die Here sê, is suiwer. Elkeen wat by Hom skuiling soek, beskerm Hy. Ps 18:31
Skoolvakansie.
Die skole sluit eerskomende Vrydag en open weer op 21 Julie. Geniet julle rustyd. Mag die Here julle beskerm en oppas en aan julle nuwe krag gee vir die res van die jaar.
Mootkamp: (gereël deur Streeksinode Pretoria se Jeugdeputate)
By Fraaiboskampterrein 12-18 Julie
Vir graad 10-12 leerlinge
Koste: R1000
Navrae: SJ – 066 391 7446
Mootlite kamp
Vir gr 5-9 leerders.
Tema: Geloof is `n werkwoord.
By Thaba Marula kampterrein
28 Junie tot 3 Julie
Koste: R1200
Vir inligting ds Lohan Linde – 084 787 5119
Skakel om in te skryf: https://forms.gle/L8264pG8s3JEYTVY7
Katkisasie.– geen (nagmaal)
Filii Dei Jeugbyeenkoms:
Ons volgende byeenkoms is Vrydag 28 Augustus .
Hou solank die datum oop en nooi jou vriende.
Onthou om te laat weet wie kom almal.
Tannie Caréna 083-618-7678